အောင်တော်မူ ဓမ္မစကူးလ်ဖွင့်ပြီ
တမူးမြို့အမျိုးဘာသာ သာသနာစောင့်ရှောက်ရေးအဖွဲ့ ဆရာတော်များဦးစီး၍ တမူးမြို့၊ အောင်တော်မူ ပရိယတ္တိစာသင်တိုက်တွင် (၉-၃-၂၀၁၄)ရက်နေ့တွင် ဓမ္မစကူးလ် Grade-I , Grade-II , Grade-III တန်းခွဲ(၃)ခုအား တန်းခွဲတစ်ခုလျှင် (၄၀)ယောက်နှုန်းဖြင့် စတင်ဖွင့်လှစ် ခဲ့ပါသည်။
(၈-၃-၂၀၁၄)ရက်နေ့ ညနေ(၃း၀၀)နာရီအချိန်၌ ဖွင့်ပွဲအခမ်းအနားကျင်းပရာတွင် တမူးမြို့မှ ခရိုင်အုပ်ချုပ်ရေးမှူး၊ လွှတ်တော်ကိုယ်စားလှယ်များ၊ ဌာနဆိုင်ရာအကြီးအကဲများနှင့် မြို့မိမြို့ဖများ၊ ခရိုင်အမျိုးသမီးရေးရာကော်မတီဝင်များ၊ ကျောင်းသားမိဘများနှင့် ကျောင်းသူ/ကျောင်းသာများ၊ ဓမ္မစကူးလ်အသင်းဝင်များ ၊သင်ကြားရေး ဆရာမများနှင့်သံဃာတော်များ စုစုပေါင်း အင်အား(၄၀၀) ကျော်ခန့် တက်ရောက်ခဲ့ကြပါသည်။
ဖွင့်ပွဲအခမ်းအနားတွင် တမူးမြို့၊အမျိုးဘာသာ သာသနာစောင့်ရှောက်ရေး ဥက္ကဌဆရာတော် မှ အဖွင့်သြ၀ါဒစကားပြောကြားရာတွင် ဆရာ၊ဒကာ လက်တွဲကာဖြင့် စုပေါင်းညီညာဆောင်ရွက်ပါမှ အများအကျိုး သယ်ပိုးနိုင်မည့် သားကောင်းရတနာများပေါ်ထွန်းလာနိုင်မည်ဖြစ်ကြောင်း ပြောကြား သွားခဲ့ပါသည်။
မြို့နယ်သံဃနာယကဆရာတော်မှလည်း ယခုလို ဓမ္မစကူးလ်ကျောင်းတွေ များများဖွင့်လှစ် နိုင်အောင်ဆောင်ရွက်သွားကြဖို့တိုက်တွန်းလိုကြောင်း၊ ကလေးများ၏ဘ၀ထဲတွင် ငယ်စဉ်အခါထဲက ဘုရား၊ တရား၊ သံဃာ ဆိုတဲ့ ရတနာသုံးပါးကို အစဉ်ကိန်းဝပ်နေစေရန် အတွက် ပြုစုပျိုးထောင်သွား ဖို့ လိုအပ်ကြောင်းကို ပြောကြားသွားခဲ့ပါသည်။
ဓမ္မကူးလ်ကျောင်း ဥက္ကဌဆရာတော်မှ နိဂုံးချုပ်သြ၀ါဒ စကားပြောကြားရာတွင် ယခုလို ဓမ္မစကူးစလ်ကျောင်းဖြစ်မြောက်အောင် ဆောင်ရွက်နိုင်ခဲ့တဲ့အတွက် အထူးပင် ၀မ်းသာပီတိဖြစ်မိ ကြောင်း၊ နောက်နောင်တွင် ဓမ္မစကူးလ်ကျောင်းတွေ များစွာပေါ်ထွန်းလာအောင် ဆက်လက်ကြိုးပမ်း ဆောင်ရွက်သွားမည်ဖြစ်ကြောင်း၊ မူလတန်းအဆင့်၊ အလယ်တန်းအဆင့်၊ အထက်တန်းအဆင့် ဓမ္မစကူးလ်ကျောင်းများကို ဆက်လက်ဖွင့်လှစ်နိုင်ရန် စီစဉ်ထားရှိကြောင်းနှင့် အားလုံးညီညာစွာဖြင့် လက်တွဲပါဝင်ကြစေလိုကြောင်းပြောကြားခဲ့ပါသည်။
အခမ်းအနားတွင် ဓမ္မစကူးလ်ကျောင်း ဖြစ်မြောက်အောင်မြင်နိုင်ရန်အတွက် စာအုပ်၊ ဘောလ်ပင်၊ ခဲတံ၊ ကလေးဝတ်စုံနှင့်ရေသန့်အလှူရှင်များ၊ အပတ်စဉ်အာဟာရအလှူရှင်များ အဘက်ဘက်မှ ပါဝင်ကူညီလှူဒါန်းကြသူများကိုလည်း ဂုဏ်ပြုလက်မှတ်များ ချီးမြှင့်ပေးခဲ့ကြပါသည်။